الكويت: أسبوع مليء بالنشاط
الخميس 8 مايو 2008
كان هذا الأسبوع مليء بالنشاط للمدونين الكويتيين, الذين أمضوا الوقت مشغولين بأشياء كثيرة, بين الأعمال الخيرية ووزن خياراتهم في الانتخابات البرلمانية في نهاية الشهر الحالي.
المدون يوسف من مدونة somecontrast يكتب عن زيارته إلى نادي رماية – إحدى واحدة من العديد من مناطق الجذب في الكويت.
«النص الأصلي:ذهبت البارحة إلى نادي الميادين للرماية مع صديق لي. كانت هذه أول مرة لي في نادي رماية في الكويت, ذهبت مرة في دبي وأحببته جداً هناك. في دبي استخدمت بندقية, الأمر الذي ترك انطباع كبير علي, وعلى كتفي.»
من نادي الرماية ننتقل إلى مشروع مؤثر, يقوده مجموعة من الفتيات الكويتيات الذين يطلقون على أنفسهم اسم “ نحن نهتم“. المجموعة أيضاً لديها مدونة تصف نشاطاتها الكثيرة. وآخرها كان زيارة إلى بيت رعاية للمسنين, حيث ذهبوا مزودين بالهدايا والطعام.
وفقاً للمدونة:
«النص الأصلي:الاسبوعين اللي طافوا كنا نستعد لهذا اليوم .. هاليوم كان غير عن اللي قدموه we care .. بما انه طموحنا نهتم بكل فئات المجتمع .. هاليوم كان رحلة إلى دار المسنين ..رايحين نقابل 18 مسنه فقط .. أهم اللي حالاتهم النفسيه والمرضيه تسمح لهم يقابلون الناس ويسولفون .. الباجي مو اجتماعيين او المرض يمنعهم.»
تصف المدونة من الدار مدى تأثر المتطوعين هناك:
«النص الأصلي:عقب قعدنا وياهم نسولف ونصب لهم جاي وقهوه ..
ماخش عنكم قلبي عورني وكنت احاول امسك روحي كثر ماقدر.. وايد من القروب يطلعون بره ويردون يدشون بس عشان مايبين عليهم الحزن.. ما ننلام والله..
قعدت ويانا وحده كنا نسولف سوالف عاديه ونضحك وياهم مانبي نعرف منو يابهم والا شحقه وليش نبيهم ينسون.. هالمواضيع ماتستاهل تنفتح علشان ما نضيق خلقهم ويضيق خلقنا.. بدون مايتكلمون و خنقتنا العبره شلون لو تكلموا!؟
قعدنا مع وحده نسألها مرتاحه مستانسه وشسمج .. سوالف عاديه بنص الحجي قالت انا اخواني ماشوفهم كلش وخواتي مايزوروني بس ساعات يزوروني الخميس وكله يقولون لي بناخذج وويروحون ويخلوني وغطت روحها بالملفع و قامت تبجـي… انا عن نفسي قمت ماقدرت .. موقف صج يحس الواحد مو بس يأثر ييجرح يخليك تحلف مليون مره لو شنو ماكانوا امك وابوك جاسيين ماتقطهم هالقطه .. تحس بنعمه ما فكرت تحس فيها من قبل…»
عندما جاء وقت ذهاب المتطوعين, قالت المدونة:
«النص الأصلي:يت حزة الروحه وانا اسلم على اللي نادتني قتلها استانستي؟ قالت وايد قتلها تبين نزورج بعد؟ قالت تعالوا كل يوم ابيكم اتزوروني احبكم انا! …شوفوا شلون قلوبهم بيضه وصافيه ويحبون اي أحد يحسون انه اهتم فيهم حتى لو ساعه…»
بعيداً عن الدار, المدونة بو مريوم, من مدونة 5-q8 تكتب حول المرشحات الاناث الذين رشحوا أنفسهم للانتخابات.
«النص الأصلي:ليش نظرتنا للمرشحات دايما تكون من منظور حالتهم الاجتماعية؟
ليش نظرتنا للمرشحة المطلقة مثلا أو العانس تختلف عن نظرتنا للمرشحة المتزوجة؟
مع ان الكثير من المرشحين الرجال حرامية…و الاكثر سرسرية..بس محد يأطرهم بهالاطار…المهم حنجرتة
للاسف حتى بالعمل السياسى ننظر للاشياء من منظور الريال شايل عيبة…و لو فيها خير جان ما طلقها ريلها أو جان لقت ريل
هل حالة المرأة الاجتماعية مهمة للحكم على أداءها البرلمانى و فكرها و حالتة الرجل غير مهمة؟»
الصور من: somecontrast
مصادر
[عدل]- نص مؤلف ومترجم برخصة المشاع الإبداعي نَسب المُصنَّف 3.0 غير موطَّنة (CC BY 3.0). «الكويت: أسبوع مليء بالنشاط». الأصوات العالمية. 8 مايو - أيار 2008.
 شارك الخبر:
|
